மழை நின்ற பின்பும் தூவானம் நின்றபாடில்லை. கிழக்கின் பொருளாதார அபிவிருத்திக்கு மாபெரும் தடையாக இருந்துவந்த “கப்பம் கட்டுதல்” முற்றுமுழுதாக கட்டுப்பாட்டிற்குள் கொண்டுவரப்பட்டிருக்கும் இத்தருணத்தில், அல்லும் பகலும் சும்மா இருந்து கொண்டு அடுத்தவனின் வியர்வையில் ஏசிறூமும், ஏசிகாரும், ஓசிசாப்பாடும் அனுபவித்து வந்த நகரத்தின் பிரபல்யமான கூட்டமொன்றுக்கு “கப்பம் பெறக்கூடாது” என்ற கண்டிப்பான உத்தரவு வயிற்றில் புளியைக்கரைத்திருக்கிறது. முப்பது லட்சம் கப்பமாக பெறுவதற்கு ஒரு பிஞ்சி உள்ளத்தினை பணயமாக வைத்து போட்ட சுப்பர் ஹிட்ஸ் மாஸ்டர் பிளானும் தவிடுபொடியாகியதை அடுத்து, மூன்று வேளையும் மூக்குப்பிடிக்க கோழிச்சாப்பாடு, கைகளில் ஆட்களைவிட பெரிய கையிலடங்காத கையடக்க தொலைபேசிகள், லப்டப், DVD VCD Hi Fi , ஏசி வாழ்க்கை என்றெல்லாம் அதிசுகபோகமாக வாழ்ந்தவர்களுக்கு, சிங்கிள் பிலேன்டிக்குக் கூட அடுத்தவரிடம் கையெந்தும் நிலமைகள் உருவாகியுள்ளதை அடுத்து, ஆர்டிஎஸ் தலைவர்களை கொலை அச்சுறுத்தல் பண்ணி பணம் பிடுங்கும் படலம் வைபோக றீதியாக “சீலனால்” ஆரம்பித்துவைக்கப்பட்டிருக்கிறது. இனி “சீலனுடைய” சகாக்கள் என்ன செய்யப்போகிறார்கள்? கொள்ளையடிப்பார்கள், பணத்திற்காக அப்பாவிகளை காட்டிக்கொடுப்பார்கள், சாராயம் காய்ச்சுவார்கள், கஞ்சா விற்பார்கள், இன்னும் இன்னோரன்ன சட்டவிரோத செயற்பாடுகளில் இறங்குவார்கள். இவற்றுக்கெல்லாம் தலமை தாங்கி முன்நின்று வழிநடத்தி செயற்பட்டுக் கொண்டிருந்தவர் அண்மையில் அவருடைய “சின்ன” வீட்டில் வைத்து சுட்டுக்கொல்லப்பட்டிருந்தார், இது எமது மக்களுக்கு பாரிய ஆறுதலை ஏற்படுத்தியிருந்தது., என்றாலும் “இருநூறு சாரண்கள் தரப்படாவிட்டால், உன் மகனை தூக்கிவிட்டு நாற்பது லட்சம் கேட்பேன்” என்று தொலைபேசியில் “ஆர்டிஎஸ்” தலைவர் ஒருவரிடம் சீலன் மிரட்டியிருப்பதானது, மீண்டும் பொதுமக்கள் மனங்களில் ஒருவித பீதியை ஏற்படுத்தியிருக்கிறது. கைகால்கள் எல்லாம் ஒழுங்காகதானே இருக்கிறது, ஏதாவது மிடில்ஈஸ்ட் நாடுகளுக்குச் சென்று வேலைசெய்து பிழைக்கலாமே என்று “சீலனுக்கு” பொதுமக்கள் தமது ஆலோசனையை வழங்குகிறார்கள்.

கந்தசாமி

படுவான்கரை.